मेस्सी चम्कदा अर्जेन्टिनाको सहज जित

काठमाडौं । मैत्रीपूर्ण खेलमा अर्जेन्टिनाले सहज जित निकालेको छ ।

बुधबार भएको खेलमा अर्जेन्टिनाले जमैकालाई ३-० गोल अन्तरले हराएको हो ।

अर्जेन्टिनाको जितमा लियोनल मेस्सीले दुई गोल गरे ।

जुलियन अल्भारेजले एक गोल गरे ।

खेलको १३ औं मिनेटमा अल्भारेजले गोल गर्दै अर्जेन्टिनालाई सुरुआती अग्रता दिलाएका थिए ।

खेलको ८६ औं मिनेटमा मेस्सीले गोल गर्दै टिमको अग्रता २-० को बनाए ।

त्यसपछि खेलको ८९ औं मिनेटमा मेस्सीले फ्रिकिक मार्फत व्यक्तिगत दोस्रो गोल गर्दै अर्जेन्टिनालाई ३-० को जित दिलाए।