वेल्स रेलिगेसनमा

काठमाडौं । यूईएफए नेसन्स लिग फुटबलमा पोल्याण्डले वेल्सलाई पराजित गरेको छ ।

आइतबार राति भएको खेलमा पोल्याण्डले वेल्सलाई १-० ले हराएको हो ।

पोल्याण्डको जितमा कारोल स्विडेर्सकीले निर्णायक गोल गरे ।

खेलको ५८ औं मिनेटमा रोबर्ट लेवान्डोस्कीको पासमा उनले गोल गरे ।

यस जितसँगै पोल्याण्डले रेलिगेसनको खतरा टारेको छ ।

लिग ए समूह ४ को पोल्याण्ड ६ खेलमा ७ अंक जोडेर तेस्रो स्थानमा रह्यो ।

वेल्स लिग 'ए' बाट रेलिगेसनमा परेको छ ।

वेल्स १ अंक जोडेर पुछारमा रह्यो ।