सर्बियाको जितमा मिट्रोभिचको ह्याट्रिक

काठमाडौं । यूईएफए नेसन्स लिग फुटबलमा सर्बियाले स्विडेनमाथि जित निकालेको छ ।

समूह चरण अन्तर्गत शनिबार राति सर्बियाले स्विडेनलाई ४-१ गोल अन्तरले हराएको हो ।

एलेक्सान्डर मिट्रोभिचले ह्याट्रिक गरेपछि सर्बियाले सहज जित निकालेको हो ।

खेलको १५ औं मिनेटमा भिक्टर क्लाइसनले गोल गर्दै स्विडेनलाई सुरुआती अग्रता दिलाएका थिए ।

मिट्रोभिचले १८ औं मिनेटमा गोल गर्दै सर्बियालाई १-१ गोलको बराबरीमा ल्याए ।

पहिलो हाफको इन्जुरी समयमा मिट्रोभिचले व्यक्तिगत दोस्रो गोल गर्दै सर्बियालाई २-१ को अग्रता दिलाए ।

खेलको ४८ औं मिनेटमा मिट्रोभिचले ह्याट्रिक पूरा गर्दा सर्बिया ३-१ ले अघि रह्यो ।

त्यसपछि खेलको ७० औं मिनेटमा सासाले गोल गर्दै सर्बियालाई ४-१ को जित दिलाए ।

जितसँगै लिग बी को समूह ४ को सर्बियाले ५ खेलमा १० अंक जोडेको छ ।

सर्बिया दोस्रो स्थानमा रहेको छ ।

स्विडेन ३ अंक जोडेर पुछारमा रहेको छ ।