स्पेन घरेलु मैदानमै पराजित

काठमाडौं । यूईएफए नेसन्स लिग फुटबलमा स्पेन पराजित भएको छ ।

समूह चरण अन्तर्गत शनिबार राति स्पेनलाई स्वीट्जरल्याण्डले २-१ गोल अन्तरले हराएको हो ।

स्पेनलाई स्वीट्जरल्याण्डले उसैको घरेलु मैदानमा हराएको हो ।

खेलको २१ औं मिनेटमा म्यानुएल एकान्जीले गोल गर्दै स्वीट्जरल्याण्डलाई सुरुआती अग्रता दिलाएका थिए ।

खेलको ५५ औं मिनेटमा जोर्डी अल्बाले गोल गर्दै स्पेनलाई १-१ गोलको बराबरीमा ल्याए ।

तर, खेलको ५८ औं मिनेटमा ब्रेल एम्बोलोले गोल गर्दै स्वीट्जरल्याण्डलाई २-१ को जित दिलाए ।

स्पेन चार वर्षपछि पहिलो पटक घरेलु मैदानमा पराजित भएको हो ।

यस हारसँगै लिग ए समूह २ को स्पेनले ५ खेलमा ८ अंक जोडेको छ ।

स्पेन दोस्रो स्थानमा रहेको छ ।

स्वीट्जरल्याण्ड ६ अंक जोडेर तेस्रो स्थानमा रहेको छ ।