सुदूरपश्चिम राजधानी कप सुरु

कैलाली । कैलालीको धनगढीमा सुदूरपश्चिम राजधानी कप राष्ट्रिय फुटबल प्रतियोगिता सुरु भएको छ ।

पिएफए स्पोर्ट्स क्लब अत्तरियाको आयोजनामा सात वटा प्रदेशको सहभागिता रहेको फुटबल प्रतियोगिता सुरु भएको हो ।

प्रतियोगिताको सुदुरपश्चिम प्रदेश सरकारका आर्थिक योजना मन्त्री प्रकाश रावलले उद्घाटन गरे  ।

धनगढीस्थित रंगशालामा सुरु भएको प्रतियोगिताको उद्घाटन खेलमा सुदूरपश्चिम प्रदेशको रातो टिम र कर्णाली प्रदेशले प्रतिस्पर्धा गरेका छन् । तर, ढिलो गरी उद्घाटन खेल भएपछि खेल रोकिएको छ ।

रात परेपछि स्थगित गरिएको खेल भोलि खेलाईने भएको छ । बाँकी रहेको १७ मिनेटको खेल भोली खेलाईने आयोजकले जनाएको छ । खेल रोकिनु अघि दुबै टोलीले गोलरहित बराबरी खेलका छन् । आइतबार हुने अर्को खेलमा मधेश प्रदेश र लुम्बिनी प्रदेश पनि प्रतिस्पर्धा गर्नेछन् ।

प्रतियोगिता असोज १५ गतेसम्म सञ्चालन हुनेछ । प्रतियोगिताको विजेताले नगद ५ लाख, सहित ट्रफी मेडल र प्रमाणपत्र पाउनेछन भने उप विजेताले नगद ३ लाख सहित ट्रफी मेडल र प्रमाणपत्र प्राप्त गर्नेछन् । प्रतियोगीतामा विभिन्न विधाका उत्कृष्ट खेलाडीहरुले जनही १० हजार नगद पाउँदा उत्कृष्ट खेलाडीले नगद २० हजार प्राप्त गर्नेछ ।