मेस्सी चम्कदा अर्जेन्टिनाको सहज जित

काठमाडौं । मैत्रीपूर्ण अन्तराष्ट्रिय खेलमा अर्जेन्टिनाले सहज जित निकालेको छ ।

शनिबार बिहान भएको खेलमा अर्जेन्टिनाले होन्डुरसलाई ३-० गोल अन्तरले हराएको हो ।

अर्जेन्टिनाको जितमा लियोनल मेस्सीले दुई गोल गरे । लाउटरो मार्टिनेजले एक गोल थपे ।

खेलको १६ औं मिनेटमा मार्टिनेजले गोल गर्दै अर्जेन्टिनालाई सुरुआती अग्रता दिलाए ।

पहिलो हाफको इन्जुरी समयमा मेस्सीले गोल गर्दै अर्जेन्टिनाको अग्रता दोब्बर बनाए ।

त्यसपछि खेलको ६९ औं मिनेटमा मेस्सीले व्यक्तिगत दोस्रो गोल गर्दै अर्जेन्टिनालाई ३-० को जित दिलाए ।