बंगलादेशी फुटबल टोली नेपालमा

काठमाडौं । नेपालसँगको मैत्रीपूर्ण खेलका लागि बंगलादेशको राष्ट्रिय फुटबल टोली शुक्रबार राति नेपाल आइपुगेका छन्।

बंगलादेशको टोली राति साढे १२ बजे नेपाल आईपुगेका हुन् ।

अखिल नेपाल फुटबल संघ (एन्फा) का पदाधिकारीले बंगलादेशको टोलीलाई स्वागत गरेका थिए।

नेपाल र बंगलादेशबीच असोज ११ गते दशरथ रंगशालामा एक मैत्रीपूर्ण खेल हुनेछ ।

बंगलादेशले बिहीबार कम्बोडियासँग मैत्रीपूर्ण खेल खेलेको थियो । जसमा बंगलादेश १-० ले विजयी भएको थियो ।