उपाधिका लागि मोरङ र सुनसरी भिड्ने

इटहरी । नवौं राष्ट्रिय खेलकुद प्रतियोगिताको छनोट अन्तर्गत प्रदेश १ को पुरुष फुटबलको उपाधिका लागि मोरङ र सुनसरी भिड्ने भएका छन् ।

शुक्रबार भएको पहिलो सेमिफाइनलमा मोरङले संखुवासभालाई ३-० गोल अन्तरले पराजित गर्यो । मोरङका लागि भुवन बस्नेतले दुई र कैलाश बस्नेतले एक गोल गरे ।

विराटनगरको सहिद रंगशालामा भएको दोस्रो सेमिफाइनलमा सुनसरीले १० खेलाडीमा समेटिएको भोजपुरलाई २-० गोलले पराजित गर्यो ।

सुनसरीका लागि मिलन राई र दिनेश राईले एक एक गोल गरे ।

भोजपुरका बेनुप राईले रातो कार्ड पाएका थिए ।

सहिद रंगशालामा हुने मोरङ र सुनसरीबीचको फाइनल शनिबार हुनेछ ।