काठमाडौं । जर्मनीका कप्तान तथा गोलकिपर म्यानुयल नुएर र मिडफिल्डर लिओन गोर्टेज्काले नेसन्स लिगको दुई खेल गुमाउने भएका छन् ।
कोभिड-१९ को संक्रमण देखिएपछि नुएर र गोर्टेज्काले नेसन्स लिग अन्तर्गतको दुई खेल गुमाउने भएका हुन् ।
जर्मनीले नेसन्स लिग अन्तर्गत शुक्रबार हंगेरी र सोमबार इंग्ल्यान्डविरुद्ध खेल्दैछ ।
तर, ३६ वर्षीय नुएर र २७ वर्षीय गोर्टेज्काले दुबै खेल गुमाउने छन् ।
बुधबार गरिएको परिक्षणमा दुबैलाई कोभिड-१९ को संक्रमण देखिएको हो ।
दुबैले जर्मनीको प्रशिक्षण क्याम्प छाडेका छन् । दुबै खेलाडी सेल्फ आईसोलेसनमा बसेका छन् ।
जर्मनीको नुएरको स्थानमा होफेनहाइमका ओलिभर बाउम्यानलाई टिममा बोलाएको छ ।
गोर्टेज्काको विकल्पमा कुनैपनि खेलाडी डाकिएको छैन ।
