भारतको विजयी सुरुआत

काठमाडौं । श्रीलंकामा जारी साफ यू-१७ पुरुष फुटबलमा भारतले विजयी सुरुआत गरेको छ ।

सोमबार भएको उद्घाटन खेलमा भुटानलाई ३-० गोल अन्तरले हराउँदै भारतले सुखद सुरुआत गरेको हो ।

भारतको जितमा थाङ्गलालसौन गंगटेले दुई गोल गरे ।

यस्तै भानलाल्पेका गुइटेले एक गोल थपे ।

जितसँगै समूह 'बी' को भारतले पहिलो खेलमै ३ अंक जोडेको छ ।

यस समूहमा नेपाल पनि रहेको छ ।

नेपालले पहिलो खेलमा भुटानकै सामना गर्नेछ । नेपालले भुटानसँग बुधबार प्रतिस्पर्धा गर्नेछ ।

यस्तै नेपालले दोस्रो खेलमा भारतसँग शुक्रबार खेल्नेछ ।

समूहको शीर्ष दुई टोलीले सेमिफाइनलमा स्थान बनाउने छन् ।

फाइनल सेप्टेम्बर १४ मा हुनेछ ।