डिएगो कोस्टा प्रिमियर लिग फर्कदै

काठमाडौं । इंग्लिस प्रिमियर लिग क्लब उल्भ्सले स्पेनिस स्ट्राइकर डिएगो कोस्टा अनुबन्ध गर्ने भएको छ ।

हालौ अनुबन्ध गरेको स्ट्राइकर सासा कालाज्जिक र अर्का स्ट्राइकर राउल जिमेनेजले चोट बोकेपछि उल्भ्सले कोस्टा अनुबन्धको तयारी गरेको हो ।

उल्भ्सले फिटनेस जाँचका लागि कोस्टालाई ट्रायलको लागि बोलाएको बीबीसीले जनाएको छ ।

कोस्टाले यसै साता उल्भ्समा ट्रायल दिने छन् ।  फिटनेसमा पास भएका उल्भ्सले कोस्टालाई अनुबन्ध गर्ने बताईएको छ ।

चेल्सीका पूर्व स्ट्राइकर कोस्टा ब्राजिलियन क्लब एट्लेटिको मिनिरो छाडेपछि क्लब विहिन छन् ।

स्पेनिस क्लब एट्लेटिको मड्रिडसँगको सम्झौता अन्त्य गर्दै कोस्टा गत सिजन ब्राजिलियन क्लब आएका थिए । तर, उनको सम्झौता जनवरीमा सकिएको थियो ।

कोस्टा सन् २०१८ मा चेल्सीबाट एट्लेटिको आएका थिए ।  उनले एट्लेटिकोबाट ६१ ला लिगामा १२ गोल गरेका छन् ।