काठमाडौं । इंग्लिस प्रिमियर लिगमा म्यानचेस्टर युनाइटेडले आज ओल्ड ट्राफोर्डमा आर्सनलको आतिथ्यता गर्दैछ ।
दुवै टोली आफ्नो विजयी यात्रा जारी राख्ने प्रयासमा हुनेछन् । युनाइटेडले २०२२/२३ प्रिमियर लिग सिजनको पहिलो दुई खेल हार्यो तर लिभरपुल, साउथह्याम्पटन र लेस्टर सिटीमाथि लगातार तीन जित हात पार्दै बलियो पुनरागमन गरेको छ।
अहिले उनीहरूसँग आत्मविश्वास र गति छ । आर्सनलमाथिको जितले टोलीको मनोबल ठूलो रूपमा माथि उठाउन सक्छ । खेल राति ९:१५ बजे सुरु हुनेछ ।
यसैबीच, आर्सनलले आफ्नो प्रिमियर लिग अभियानमा अहिलेसम्म सबै पाँच लिग खेल जित्दै टाइटल जित्ने सपनाको सुरुआत गरेको छ । मिकेल अर्टेटाले आज आफ्ना खेलाडीहरूबाट युनाइटेडविरुद्ध उस्तै माग गर्नेछन् ।
यो हेर्न लायक हुनेछ छ कि गनरले ओल्ड ट्राफोर्डमा महत्त्वपूर्ण जित हासिल गर्न सक्छ कि सक्दैन । प्रिमियर लिगको यो सिजनमा आर्सनलको उत्कृष्ट सुरुआत पछि उसलाई उपाधि दावेदारको हेरिन थालिएको छ ।
ओल्ड ट्राफोर्डको जितले त्यो सम्भावनालाई ठूलो बनाउन सक्छ । त्यसका लागि आर्सनलले पुनरुत्थान भएको म्यानचेस्टर युनाइटेडविरुद्ध आफ्नो उत्कृष्ट प्रदर्शन गर्नु पर्नेछ ।
युनाइटेडले गत सिजन ओल्ड ट्राफोर्डमा गनर्सलाई ३-२ ले हराएको थियो । गनर यस पटक सुधार गर्ने आशा गर्नेछ । उल्लेखनीय रूपमा, उत्तरी लन्डन क्लबले म्यानचेस्टर युनाइटेड विरुद्ध पछिल्लो छ खेलमा एक पटक मात्र हारेको छ।
आर्सनल पक्कै पनि यहाँ सकारात्मक नतिजा प्राप्त गर्ने सोचमा छ ।
टिम जानकारी :
म्यानचेस्टर युनाइटेड -
एरिक टेन ह्यागले आफ्नो लाइनअपमा परिवर्तन गर्ने र युवाहरूमा भरोसा राख्ने निर्णय गरेदेखि म्यानचेस्टर युनाइटेडको लय उकालो लागेको देखिन्छ । एन्थोनी इलांगा, जाडोन सान्चो र मार्कस रासफोर्ड जस्ता खेलाडीहरूले आज पनि सुरुआत गर्ने अपेक्षा गरिएको छ भने क्रिस्टियानो रोनाल्डो बेन्चमा हुने छन् । युवा खेलाडीहरू डिओगो डालोट र टायरेल मलासियाको फुल-ब्याक, लिसान्ड्रो मार्टिनेज र राफेल भारानको सेन्ट्रल डिफेन्स साझेदारी पनि कायम रहने सम्भावना छ । क्रिस्चियन एरिक्सन, ब्रुनो फर्नाण्डेस र स्कट म्याकटोमिने मिडफिल्ड सम्हाल्ने छन् ।
युनाइटेडका चार खेलाडी चोट सँग जुधिरहेका छन् । एन्थोनी मार्सियल र फाकुन्डो पेलिस्ट्री बाहिर छन् । आरोन वान-बिसाका र लुक श पनि घाइते छन् ।
सम्भावित ११ (४-३-३): डि गेया, डेलोट, मार्टिनेज, भारान, मलासिया, एरिक्सन, म्याकटोमिने, ब्रुनो, एलंगा, राष्फोर्ड, सान्चो
आर्सनल-
मिकेल अर्टेटालाई यस खेलमा आफ्नो पूर्ण लाइनअप फिल्ड गर्न लक्जरी छैन । आर्सनलसँग चोटको समस्याहरू छन् । ओलेक्जेन्डर जिन्चेन्को, थोमस पार्टी, मोहम्मद एल्नेनी र रेइस नेल्सन जस्ता खेलाडीहरू हुनेछैनन् । कप्तान मार्टिन ओडेगार्डको स्थिति एस्टन भिल्लाविरुद्धको खेलमा घुँडामा चोट लागेपछि यो खेलमा शंकास्पद छ ।
गनर्सले म्यानचेस्टर युनाइटेडविरुद्ध ४-२-३-१ प्रणाली प्रयोग गर्ने सम्भावना छ । डिफेन्डर बेन ह्वाइटले पार्टीको अनुपस्थितिमा डिफेन्सिभ मिडफिल्डमा खेल्ने छन् ।
जापानी फुल-ब्याक ताकेहिरो टोमियासुले राइट ब्याक , दुई सेन्टर ब्याक विलियम सलिबा र गेब्रियल म्यागाल्हेस , लेफ्ट-ब्याक भूमिकामा किरन टियर्नेले आफ्नो स्थान लिने अपेक्षा गरिएको छ । बेन ह्वाइट र ग्रानिट झाका पिभोटमा साझेदारी गर्नेछन ।
ओडेगार्डको सम्भावित अनुपस्थितिले एमिल स्मिथ रोवलाई रेड डेभिल्सविरुद्ध खेल्ने अवसर हुनसक्छ । बुकायो साका, गेब्रियल मार्टिनेली र गब्रिएल जेसस आक्रमणमा हुनेछन ।
सम्भावित ११- (४-२-३-१): राम्सडेल, टोमियासु, सालिबा, गेब्रियल मगल्हाएस, टिएर्नि, जाका, बेन ह्वाइट, मार्टिनेली, स्मिथ रो, साका, जेसुस
अनुमानित नतिजा : दुबै टोली यस खेलमा राम्रो लयमा छन्, र यो एक तिब्र प्रतिस्पर्धात्मक खेल हुनुपर्छ । यद्यपि, आर्सनलसँग फिटनेसमा धेरै समस्याहरू छन् । मिडफिल्ड विकल्प कम भएको छ ।
म्यानचेस्टर युनाइटेडले आर्सनलको चोट समस्याको फाइदा उठाउन सक्नेछ । एन्टोनीले गनर्सविरुद्ध डेब्यु गर्ने मौका पाएपछि युनाइटेड आशावादी हुनेछ । युनाइटेडसँग धेरैजसो मुख्य खेलाडीहरू यस खेलको लागि फिट र तयार छन् । गति पनि छ। एक साँघुरो जीत यहाँ आउनेछ ।
म्यानचेस्टर युनाइटेड २-१ आर्सनल (खेलपाटी अनुमान)
