स्विट्जरल्यान्डको ट्रेल रेसमा रशिला च्याम्पियन

काठमाडौं ।  नेपालकी रशिला तामाङले स्विट्जरल्यान्डमा आयोजना भएको युटीएमआर मोन्टे रोजा ट्रेल रेसको उपाधि जितेकी छिन् ।

रशिलाले अल्ट्रा १०० रेस अन्तर्गत महिलातर्फको उपाधि जितेकी हुन् । युरोपको अल्ट्रा टुर अन्तर्गत युटीएमआर मोन्टे रोजा उत्कृष्ट रेस मानिन्छ ।

धादिङ घर भएकी रशिलाले १८ घण्टा ५८ मिनेट २८ सेकेन्डमा पूरा गर्दै उपाधि जितेकी हुन् ।

रशिलाले पहिलो पटक युरोपको अल्ट्रा रेसमा सहभागिता जनाएकी हुन् । पहिलो सहभागितामै रशिलाले उपाधि जितेकी हुन् ।

चेक रिपब्लिककी मेर्टोभा २० घण्टा २४ मिनेट १० सेकेन्डको समय सहित दोस्रो भईन् ।

यस्तै नेपालकी अनिता राई तेस्रो भईन् । भोजपुर घर भएकी अनिताले २० घण्टा २४ मिनेट १८ सेकेन्डमा पूरा गरिन् ।

पुरुषतर्फ नेपालका भिम बहादुर गुरुङ दोस्रो भए । गोरखाका उनले १६ घण्टा २९ मिनेट २९ सेकेन्डको समय निकाले।