चेल्सीको पुनरागमन जित

काठमाडौं । इंग्लिस प्रिमियर लिग फुटबलमा चेल्सीले पुनरागमन जित निकालेको छ ।

शनिबार राति भएको खेलमा चेल्सीले वेस्ट ह्यामलाई २-१ गोल अन्तरले हराएको हो ।

घरेलु मैदानमा एक गोलको अग्रता उल्टाएर चेल्सीले जित निकालेको हो ।

खेलको ६३ औं मिनेटमा मिखाइल एन्टोनियोले गोल गर्दै वेस्ट ह्यामलाई अग्रता दिलाएका थिए ।

तर, खेलको ७६ औं मिनेटमा बेन चिलवेलले गोल गर्दै चेल्सीलाई १-१ गोलको बराबरीमा ल्याए ।

त्यसपछि खेलको ८८ औं मिनेटमा काइ हाभर्ट्जले गोल गर्दै चेल्सीलाई २-१ को जित दिलाए ।

जितसँगै चेल्सीले ६ खेलमा १० अंक जोडेको छ ।

चेल्सी पाँचौं स्थानमा उक्लिएको छ ।

वेस्ट ह्याम ४ अंक जोडेर १७ औं स्थानमा रहेको छ ।

प्रिमियर लिग अन्तर्गत नै उल्भ्सले साउथह्याम्पटनलाई १-० ले हराएको छ ।

बर्नेमाउथले नटिङघम फरेस्टलाई ३-२ ले हराएको छ ।