पीएसजी र युभेन्ट्ससहित ८ क्लबलाई जरिवाना

काठमाडौं । युरोपियन फुटबलको सर्वोच्च निकाय (युईएफए) ले युरोपका आठ क्लबलाई जरिवाना गरेको छ  ।

यूईएफएले आर्थिक अनुशासन तोडेको भन्दै युरोपका ८ क्लबलाई जरिवाना गरेको हो ।

यूईएफएले फ्रान्सको पेरिस सेन्ट जर्मेन (पीएसजी),  मोनाको र मार्सेलाई जरिवाना गरेको छ ।

यस्तै इटालीको युभेन्ट्स, एसी मिलान, इन्टर मिलान र रोमालाई जरिवाना गर्दा टर्कीको बेसिक्टासलाई जरिवाना गरेको हो।

यूईएफएले आठै टोलीले यूईएफएको फेयर प्ले नियम तोडेको जनाएको छ ।

यूईएफएले पीएसजीलाई १० मिलियन युरो जरिवाना गरेको हो ।  पीएसजीले पछिल्लो तीन वर्षमा आम्दानीको तुलनामा बढी खर्च गरेको बताईएको छ।