अलन्सो बार्सिलोनामा

काठमाडौं । स्पेनिस क्लब बार्सिलोनाले डिफेन्डर मार्कोस अलन्सोलाई अनुबन्ध गरेको छ ।

बार्सिलोनाले स्पेनिस डिफेन्डरलाई फ्री ट्रान्सफरमा अनुबन्ध गरेको हो ।

लेफ्ट ब्याक अलन्सोले बार्सिलोनासँग एक वर्षको सम्झौता गरेका छन् ।

अलन्सोले डेटलाइन डे को दिन इंग्लिस प्रिमियर लिग क्लब चेल्सी छाडेका थिए ।

स्पेनिस खेलाडीले आपसी समझदारीमा क्लब छाडेको चेल्सीले जनाएको छ ।

चेल्सीमा ६ वर्ष बिताएर उनले क्लब छाडेका हुन् ।

उनी २०१६ मा फियोरेन्टिनाबाट चेल्सी आएका थिए ।

चेल्सीका लागि उनले २ सय १२ खेलमा २९ गोल गरेका छन्।

उनले स्पेनका लागि ९ खेल खेलेका छन् ।