मार्सेलो ओलम्पियाकोसमा अनुबन्धित

काठमाडौं । ब्राजिलियन डिफेन्डर मार्सेलो ग्रीसको क्लब ओलम्पियाकोस एफसीमा अनुबन्धित भएका छन् ।

ओलम्पियाकोसले शनिबार डिफेन्डर मार्सेलोलाई अनुबन्धित गरिएको जनाएको छ ।

ओलम्पियाकोसले ३४ वर्षीय डिफेन्डरलाई फ्री ट्रान्सफरमा अनुबन्ध गरेको हो ।

रियल मड्रिडका पूर्व डिफेन्डर मार्सेलोलेओलम्पियाकोससँग एक वर्षको सम्झौता गरेका छन् ।

स्पेनिस क्लब रियल छाडेपछि मार्सेलो क्लब विहिन थिए ।

लेफ्ट ब्याक मार्सेलोले १५ वर्ष बिताएर रियल छाडेका हुन् ।

डिफेन्डर मार्सेलो २००७ मा रियल आएका थिए ।

रियलका लागि उनले २५ उपाधि जितेका छन् । जसमा ५ च्याम्पियन्स लिग रहेको छ ।

रियलका उनले ५ सय ४५ खेल खेलेका छन् । उनले ३८ गोल र १ सय ३ असिस्ट गरेका छन् ।