पैसाको खोला बगेको समर ट्रान्सफर, के भयो 'डेडलाइन डे' मा ?

काठमाडौं ।  प्रिमियर लिगको समर ट्रान्सफर विन्डो बिहीबार धेरै नयाँ रेकर्डसहित बन्द भयो । म्यानचेस्टर युनाइटेडले ८२ मिलियन पाउण्डमा अनुबन्ध गरेका एन्टोनी सबैभन्दा महँगो खेलाडी बने ।

त्यो सम्झौताले प्रिमियर लिगमा झन्डै २.९ बिलियन पाउण्डको नयाँ खर्चको रेकर्ड बनाउन मद्दत गर्यो । सन् २०१७ मा १.४ बिलियन पाउण्डको अघिल्लो रेकर्ड तोड्दै प्रिमियर लिगले युरोपका अन्य लिगलाई निकै सानो देखायो ।

प्रिमियर लिगका २० क्लबहरू मध्ये ९ क्लबले १०० मिलियन पाउण्ड भन्दा बढी खर्च गरे ।

त्यसबाहेक अन्य केहि रेकर्डहरू बनेका छन् ।

जस्तै,

* प्रिमियर लिग क्लबहरूले स्पेनको ला लिगा, इटालीको सिरी ए र जर्मन बुन्डेसलिगाको संयुक्त खर्च भन्दा बढी खर्च गरे ।

* चेल्सीले प्रिमियर लिगको इतिहासमा कुनै पनि क्लब भन्दा एक विन्डोमा धेरै खर्च गरेको छ ।

* म्यानचेस्टर युनाइटेडले समरमा खर्च गर्ने आफ्नै रेकर्ड तोडेको छ ।

* नटिङ्घम फरेस्टले कुनै पनि बेलायती क्लब भन्दा एक समरमा धेरै खेलाडीहरू अनुबन्ध गरेको छ ।

विन्डोको समयमा २० क्लबहरूको संयुक्त आउटले १० जुन देखि १ सेप्टेम्बरसम्म खुला थियो । अघिल्लो समर ट्रान्सफरको कुल १.१ बिलियन पाउण्ड भन्दा ६७% बढी थियो ।

वित्तीय सेवा कम्पनी डेलोइटका अनुसार २०२२/२३ सिजनमा दुई-विन्डो सिजन सुरु भएदेखि नै सबैभन्दा धेरै ट्रान्सफर खर्च भएको छ ।  यस सिजनको जनवरी ट्रान्सफर विन्डो पनि १ दशमलब ४६ बिलियनको भयो । जुन अघिल्लो २०१७-१८ मा भन्दा ३ % ले बढी हो ।

विन्डोबाट डेलोइटले खोजेका केहि अन्य प्रमुख तथ्यहरु :

- युरोपका सबै 'ठूला पाँच' लिगहरू, प्रिमियर लिग, ला लिगा, सेरी ए, बुन्डेसलिगा र लिग १ मा कूल खर्च ५२ %  ले ३.८८ बिलियन पाउण्डमा वृद्धि भयो।

- जसमध्ये प्रिमियर लिग क्लबहरूले मात्र त्यो खर्चको ४९% हिस्स ओगटे । जुन २००८ को समर पछिको उच्चतम अनुपात हो र दोस्रो-ठूलो खर्च गर्ने सिरी ए (६४६ मिलियन पाउण्ड ) भन्दा लगभग तीन गुणा बढी हो ।

- प्रिमियर लिग क्लबहरूको नेट ट्रान्सफर खर्च पहिलो पटक १ बिलियन पाउण्ड नाघ्यो ।

- प्रिमियर लिग क्लबहरूले १६९ खेलाडीहरू अनुबन्ध गरे । २०२१ को समरमा १४८ र २०२० मा १३२ जना थिए 

- शुल्क लिएर अनुबन्धित हुने खेलाडीहरूको अनुपात सन् २०२१ को समरमा ४५% बाट बढेर २०२२ को समरमा ६६% पुग्यो।

- च्याम्पियनसिप क्लबहरूको कुल खर्च अघिल्लो समर भन्दा दोब्बर बढी ८६ मिलियन पाउण्डमा पुग्यो।

डेलोइटको खेलकुद व्यापार समूहका प्रमुख साझेदार टिम ब्रिजले भने, 'यस ट्रान्सफर विन्डोमा खर्चको रेकर्ड स्तर प्रिमियर लिग क्लबहरूको स्पष्ट संकेत हो, किनकि क्लबहरु समर्थकहरू स्टेडियममा फर्किन्छन् र नयाँ ब्रोडकास्टिंग प्रणाली सुरु हुन्छ कुरामा आत्मविश्वासी छन् ।'

'अब प्रिमियर लिगको क्लबहरू राम्रो प्रदर्शन गर्ने खेलाडीलाई अधिकतम रकम तिर्न इच्छुक छन् । यो सिजन खेलाडीको प्रतिभा प्राप्त गर्ने इच्छा नयाँ स्तरमा पुगेको छ किनभने क्लबहरूलाई प्रतिस्पर्धामा रहन पहिले भन्दा बढी दबाब छ,' रिपोर्टमा उल्लेख छ ।

ट्रान्सफरको अन्तिम दिन 'डेडलाइन डे' मा के के भयो ?

२० प्रिमियर लिग क्लबहरू मध्ये १४ क्लबले अन्तिम दिनमा कम्तिमा एउटा नयाँ हस्ताक्षर गरे ।

हाइलाइटहरू :

- म्यानचेस्टर सिटीले स्विट्जरल्याण्डका अन्तर्राष्ट्रिय खेलाडी म्यानुएल अकान्जीलाई बोरुसिया डर्टमण्डबाट पाँच वर्षको सम्झौतामा अनुबन्ध गर्दै आफ्नो डिफेन्सलाई बलियो बनाएको छ ।

- एन्टोनीको साथसाथै म्यान्चेस्टर युनाइटेडले न्युक्यासल गोलकिपर मार्टिन डुब्राभकाका लागि अन्तिम दिनमा लोनको सम्झौता पूरा गर्यो ।

- एभर्टनले  केही मिडफिल्डरहरू अनुबन्ध  गर्यो । सेनेगल अन्तर्राष्ट्रिय इड्रिसा गुएई पेरिस सेन्ट-जर्मेन र म्यानचेस्टर युनाइटेडबाट जेम्स गार्नर

- लिभरपुलले युभेन्टसबाट लोनमा ब्राजिलका अन्तर्राष्ट्रिय खेलाडी आर्थर मेलोसँगै एक मिडफिल्डरलाई पनि टोलीमा थप्यो ।

- लेस्टरले बेल्जियमका सेन्टर ब्याक वाउट फेसलाई फ्रान्सेली क्लब रेम्सबाट बुधबार ७० मिलियन पाउण्डमा भित्र्यायो । चेल्सीमा आवद्ध भएका वेस्ले फोफानाको स्थानमा उनलाई पाँच वर्षको सम्झौतामा अनुबन्ध गरेको हो ।

- नटिङ्घम फरेस्टले यस समरमा २१ नयाँ खेलाडी मध्ये तीन खेलाडीलाई अन्तिम दिन हस्ताक्षर गर्‍यो । डिफेन्डर लोइक बाडे रेनेसबाट लोनमा आइपुगे ।

- फुलहम अन्तिम दिन व्यस्त थियो, पूर्व आर्सनल र चेल्सी मिडफिल्डर विलियन सहित चार खेलाडीहरू ल्यायो ।

- चेल्सीले राति अन्तिम दुई सम्झौताको घोषणा गर्‍यो, पियरे-इमरिक औबामेयाङ बार्सिलोनाबाट दुई वर्षको सम्झौतामा र स्विट्जरल्याण्डका मिडफिल्डर डेनिस जाकारिया युभेन्टसबाट लोनमा सामेल भएका थिए ।

यद्यपि प्रिमियर लिगको खर्च रेकर्ड स्तरमा पुग्यो, त्यहाँ अझै पनि धेरै सम्झौताहरू थिए जुन कहिल्यै साकार हुन सकेन ।

क्रिस्टियानो रोनाल्डो यस समर युभेन्टसबाट क्लबमा फर्केको १२ महिनापछि म्यानचेस्टर युनाइटेड छोड्न चाहन्थे तर पोर्चुगलका फरवार्ड ओल्ड ट्राफोर्डमा नै छन् ।

रेड डेभिल्सले बार्सिलोनासँग फ्रेन्की डे जोङको लागि लगभग ६४ मिलियनको सम्झौतामा सहमति जनायो तर स्पेनिस क्लब र नेदरल्यान्ड्स मिडफिल्डर बीचको विवादले अन्ततः विन्डोमा धेरै प्रयास पछि यो कदमलाई रद्द गर्यो ।

एभर्टनका विंगर एन्थोनी गोर्डन चेल्सीबाट ४५ मिलियन पाउण्डमा जाँदै थिए तर टफिजले इङ्ल्यान्ड यू-२१  अन्तर्राष्ट्रिय बेच्न चाहेन र अन्ततः उनलाई गुडिसन पार्कमा राख्न सफल भयो ।

आर्सनलले एस्टन भिल्ला मिडफिल्डर डगलस लुइजलाई अनुबन्ध गर्न ढिलो कदम चाल्यो तर मिडल्याण्ड्स क्लबले  २३ मिलियन पाउण्डको दुईवटा प्रस्ताव अस्वीकार गर्यो ।

तर, सायद अन्तिम दिनको सबैभन्दा असामान्य कथा बम्बा डिएङको थियो ।

लिड्स  मार्सेका फरवार्ड एन्ड्रिया राड्रिजानीलाई अनुबन्ध गर्न यति विश्वस्त थियो कि क्लबले उनलाई एलान रोडमा स्वागत गर्न गेट समेत बनाएको थियो । तर एयरपोर्टमा २२ वर्षीय फ्रान्सबाट बेलायत जाने तयारीमा मार्सेको लिग वान प्रतिद्वन्द्वी निसबाट हाइज्याकमा परे ।

-बीबीसीको सहयोगमा