मदन भण्डारी सेभेन ए साइड फुटबल हुने

काठमाडौं । नवलपुरको गैडाकोटमा मदन भण्डारी सेभेन ए साइड फुटबल प्रतियोगिता आयोजना हुने भएको छ ।

गैडाकोट खेलकुद मैदानमा आयोजना हुने प्रतियोगिता भदौ २४ गतेबाट सुरु हुने छ ।

प्रतियोगिताको विजेताले १ लाख ११ हजार १ सय ११ रुपैयाँ प्राप्त गर्ने छन् ।

यस्तै दोस्रोले ५५ हजार ५ सय ५५ रुपैयाँ प्राप्त गर्नेछन् ।  

उत्कृष्ट खेलाडी, उत्कृष्ट गोलकिपर र सर्वाधिक गोलकर्ताले जनही ५ हजार पाउने छन् ।

प्रतियोगिताको मुख्य प्रायोजकमा मदन भण्डारी स्पोर्ट्स एकेडेमी र सहायक प्रायोजकमा सेन्ट्रल कलेज र एइम्स अब्रोड एजुकेसन रहेको छ ।