आर्सनलको लगातार पाँचौं जित

काठमाडौं । इंग्लिस प्रिमियर लिग फुटबलमा आर्सनलले लगातार पाँचौं जित निकालेको छ ।

बुधबार राति भएको खेलमा एस्टन भिल्लालाई २-१ गोल अन्तरले हराएर आर्सनलले पाँचौं जित निकालेको हो ।

आर्सनललाई जित दिलाउन ग्राबियल जिसस र गाब्रियल मार्टिनेलीले एक एक गोल गरे ।

एस्टनका डुग्लास लुइजले एक गोल फर्काए ।

खेलको ३० औं मिनेट जिससले गोल गर्दै टिमलाई सुरुआती अग्रता दिलाएका थिए ।

खेलको ७४ औं मिनेटमा एस्टनका लुइजले गोल गर्दै खेल १-१ को बराबरीमा ल्याए ।   

त्यसपछि खेलको ७७ औं मिनेटमा मार्टिनेलीले गोल गर्दै आर्सनललाई २-१ को ज्जित दिलाए ।

यस जितसँगै आर्सनलले ५ खेलमा १५ अंक जोडेको छ ।

आर्सनल शीर्ष स्थानमा रहेको छ ।

एस्टन ३ अंक जोडेर पुछारमा रहेको छ ।