यू-१७ राष्ट्रिय फुटबल टिमको घोषणा

काठमाडौं । श्रीलंकामा आयोजना हुने साफ यू-१७ पुरुष च्याम्पियनसिप र भियतनाममा हुने एएफसी यू-१७ एसियन कप छनोट फुटबलका लागि नेपालको टिम घोषणा भएको छ ।

यू-१७ टोलीको मुख्य प्रशिक्षक उर्जन श्रेष्ठले २३ सदस्सीय टोलीको घोषणा गरेका हुन् ।

यस अघि २४ सदस्सीय टोलीमा रहेका समीर तामाङ टिमबाट बाहिरिएका छन् ।

साफ यू-१७ आगामी सेप्टेम्बर ५ बाट हुनेछ । यस्तै यू-१७ एसियन कप छनोट अक्टोबर १ देखि ९ सम्म हुनेछ ।

यू-१७ साफका लागि नेपाली टोली शुक्रबार त्यसतर्फ प्रस्थान गर्ने छन् ।

साफ यू-१७ को पहिलो खेलमा नेपालले भुटानको सामना गर्नेछ ।

प्रतियोगितामा नेपाल समूह 'बी' मा रहेको छ । नेपालको समूहमा भारत र भुटान रहेको छ ।

नेपालले भुटानसँग सेप्टेम्बर ७ मा प्रतिस्पर्धा गर्नेछ ।

यस्तै नेपालले दोस्रो खेलमा भारतसँग सेप्टेम्बर ९ मा खेल्नेछ ।

समूह 'ए' मा आयोजक श्रीलंका, माल्दिभ्स र बंगलादेश रहेको छ ।

समूहको शीर्ष दुई टोलीले सेमिफाइनलमा स्थान बनाउने छन् ।

फाइनल सेप्टेम्बर १४ मा हुनेछ ।

नेपाली टोली -

गोलकिपरः क्रिसल मोक्तान, समीर चन्द, रुबिन बोगटी

डिफेन्डरः अश्विन घोरासैनी, सिमान्त थापा, उनेश बुढाथोकी, मदन पौडेल, दिपक थापा मगर, निशान्त तामाङ, युनिश मगर, विक्रम तामाङ, प्रीतम कार्की, धिरज विश्वकर्मा

मिडफिल्डरः प्रशान्त लक्ष्सम, मिराक लिङ्देन, सरोज दर्लामी, हरिशराज भट्ट, लच्छु थापा

फरवार्डः निरज कार्की, धनसिंह विक, विनोद केसी, सिजल राई, सुवास बम