वैवाहिक जीवनमा बाधिए किरण

काठमाडौं । नेपाली राष्ट्रिय फुटबल टोलीका गोलकिपर तथा कप्तान किरण चेम्जोङ वैवाहिक जीवनमा बाधिएका छन् ।

कप्तान किरणले बुधबार प्रेमिका कन्चन निरौलासँग विवाह गरेका छन् । एयर होस्टेज रहेकी कन्चन र किरण पछिल्लो डेढ वर्षयता डेट गरिरहेका थिए ।

किरणले नजिकका आफन्त र फुटबल खेलाडी, पदाधिकारीलाई विवाहमा निम्तो दिएका थिए ।

किरणले गत महिना कन्चनलाई विवाहको प्रस्ताव राखेका थिए ।

माल्दिभ्सको शीर्ष डिभिजन लिग धिवेही प्रिमियर लिगको उपाधि जितेको अवसरमा किरणले कन्चनलाई मैदानमै प्रेम प्रस्ताव राखेका थिए । किरणको प्रस्ताव कन्चनले स्वीकार गरेकी थिइन् ।

किरण आबद्द माजिया स्पोर्ट्स एण्ड रिक्रिएसनले माल्दिभ्सको शीर्ष लिगको  उपाधि जितेको थियो ।  

किरण लिगको उत्कृष्ट गोलकिपर समेत घोषित भएका थिए ।