इन्टर र रोमाको जित 

काठमाडौं । इटालियन सिरी ए फुटबलमा इन्टर मिलानले सहज जित निकालेको छ ।

मंगलबार राति भएको खेलमा इन्टरले क्रेमोनीजेलाई ३-१ गोल अन्तरले हराएको हो ।

इन्टरको जितमा जोआक्विन कोरेया, निकोलो बरेला र लाउटरो मार्टिनेजले एक एक गोल गरे ।

क्रेमोनीजेका डाभिड ओक्रेकेले एक गोल फर्काए ।

यस जितसँगै इन्टरले ४ खेलमा ९ अंक जोडेको छ ।

इन्टर अंक तालिकाको दोस्रो स्थानमा रहेको छ ।

क्रेमोनीजे अंक विहीन रहदै १९ औं स्थानमा रहेको छ ।

अर्को खेलमा रोमाले मोन्जालाई ३-० ले हराएको छ ।

रोमालाई जित दिलाउन पाउलो डिबालाले दुई गोल गरे ।

रोजर इबान्जेको नाममा एक गोल रह्यो ।

यस जितसँगै रोमाले ४ खेलमा १० अंक जोडेको छ ।

रोमा शीर्ष स्थानमा उक्लिएको छ ।

मोन्जा अंक विहीन रहदै पुछारमा रहेको छ ।