ब्राजिलियन डिफेन्डर अनुबन्ध गर्दै फरेस्ट

काठमाडौं । इंग्लिस प्रिमियर लिग क्लब नटिङ्घम फरेस्टले डिफेन्डर रेनान लोडीलाई अनुबन्ध गर्ने भएको छ ।

इंग्लिस प्रिमियर लिगको नयाँ टोली फरेस्टले स्पेनिस क्लब एट्लेटिको मड्रिडबाट लोडीलाई अनुबन्ध गर्ने भएको हो ।

फूल ब्याक लोडीलाई फरेस्टले एक सिजनको लागि लोनमा अनुबन्ध गर्न लागेको हो ।

यस सिजन लोडीलाई १७ औं खेलाडीको रुपमा फरेस्टले अनुबन्ध गर्न लागेको हो ।

२४ वर्षीय डिफेन्डर २०१९ मा एट्लेटिको आएका थिए ।

उनले एट्लेटिकोका लागि १०० बढी खेल खेलिसकेका छन् ।

च्याम्पियन्स लिगमा गत सिजन उनले म्यानचेस्टर युनाईटेडविरुद्ध गोल गरेका थिए ।