भारतका मुख्य प्रशिक्षक द्रविडलाई कोभिड-१९ को संक्रमण  

काठमाडौं । भारतीय क्रिकेट टिमका मुख्य प्रशिक्षक राहुल द्रविडलाई कोभिड-१९ को संक्रमण देखिएको छ ।

एसिया कप क्रिकेट नजिकिदै गर्दा द्रविडलाई कोभिड-१९ को संक्रमण देखिएको हो ।

कोभिड देखिएपछि उनी तत्काल एसिया कपका लागि युएई नजाने भएका छन् ।

एसिया कप अगस्ट २७ बाट युएईमा सुरु हुने छ ।

प्रतियोगितामा ६ टोली सहभागी हुदैछन् । एसीसीले सहभागी ६ टोलीलाई दुई समूहमा विभाजन गरेको छ ।

भारत समूह 'ए' मा रहेको छ ।समूह 'ए' मा साविक विजेता भारत सहित पाकिस्तान र छनोटबाट आउने एक टोली रहेका छन् । कुवेत, हङकङ, सिंगापुर र कुवेत मध्ये एक टोली यस समूहमा रहने छन् ।

समूह 'बी' श्रीलंका, बंगलादेश र अफगानिस्तान रहेको छ ।

टी-ट्वान्टी फर्म्याटको प्रतियोगितामा समूहको शीर्ष दुई टोलीले सुपर चारमा स्थान बनाउने छन् । सुपर चारमा एकअर्काविरुद्ध खेल्ने छन् । त्यसपछि शीर्ष दुई टोलीले फाइनल खेल्नेछ ।

प्रतियोगिताको उद्घाटनमा श्रीलंका र अफगानिस्तानबीच अगस्ट २७ मा प्रतिस्पर्धा हुनेछ ।