बराबरीमा रोकियो युभेन्ट्स

काठमाडौं । इटालियन सिरी ए फुटबलमा युभेन्ट्स बराबरीमा रोकिएको छ ।

सोमबार राति भएको खेलमा युभेन्ट्सले साम्पडोरियासँग गोलरहित बराबरी खेलेको हो ।

साम्पडोरियाको मैदानमा पाएको अवसरलाई सदुपयोग गर्न नसक्दा युभेन्ट्स जितबाट बन्चित भएको हो ।

यस्तै खेलको ६५ औं मिनेटमा युभेन्ट्सका एड्रियन राबिओटले गरेको गोलले मान्यता पाएन । भीएआरले उनको गोललाई अफसाइड देखाएको थियो ।

यस बराबरीसँगै युभेन्ट्सले २ खेलमा ४ अंक जोडेको छ ।

युभेन्ट्स चौंथो स्थानमा रहेको छ ।

साम्पडोरिया १ अंक जोडेर १६ औं स्थानमा रहेको छ ।