काठमाडौं । पाहुना टोली भारतले जिम्बावेविरुद्धको तीन खेलको एकदिवसीय सिरिजमा क्लिन स्विप गरेको छ ।
सोमबार भएको तेस्रो एकदिवसीयमा १३ रनको जित निकाल्दै भारतले सिरिज ३-० ले जितेको हो ।
हरारेमा पाहुना टोलीले दिएको २ सय ९० रनको लक्ष्य पछ्याएको घरेलु टोली ४९ ओभर ३ बलमा २ सय ७६ रन जोड्दा अलआउट भयो ।
उसका लागि सिकन्दर राजाले १ सय १५ रनको शतकीय इनिङ खेलेपनि टोलीलाई जित दिलाउन सकेनन् । सेन विलियम्सले ४५ तथा ब्राड ईभन्सले २८ रन बनाए ।
कप्तान रेगिस चाकबभाले १६ तथा टोनी मुन्योगाले १५ रन बनाए ।
भारतका आबेस खानले ३ तथा कुलदिप यादव,अक्षर पटेल र दिपक चाहरले समान २/२ विकेट लिए । शार्दुल ठाकुरले १ विकेट लिए ।
त्यसअघि पहिले ब्याटिङ गरेको भ्रमणकारी टोलीले ५० ओभरमा ८ विकेटको नोक्सानीमा २ सय ८९ रन बनाएको थियो।
उसका शुभमन गिलले १ सय ३० रनको शतकीय इनिङ खेले । इशान किशनले ५० रनको अर्धशकीय इनिङ खेले ।
शिखर धवनले ४० तथा कप्तान केएल राहुलले ३० रन बनाए । सन्जु सामसनले १५ तथा शार्दुल ठाकुरले ९ रन बनाए ।
घरेलु टोलीका ब्राड ईभान्सले ५ तथा भिक्टोर न्याउछी र लुन्की जोन्गावले समान १/१ विकेट लिए ।
