बार्सिलोनालाई खेलाडी दर्ता गर्नै कठिन

काठमाडौं । बार्सिलोनाले फ्रान्सेली डिफेन्डर जुल्स कुन्डेलाई दर्ता गर्न केहि खेलाडीहरू बेच्न आवश्यक देखिएको छ।

प्रशिक्षक जाभीले पनि यस विषयमा बोलिसकेका छन् । २३ वर्षीय जुल्स सेभियाबाट जुलाईमा ४२ मिलियन पाउण्ड शुल्कमा बार्सिलोना आएका थिए।

तर, बार्सिलोनाले ला लिगाको आर्थिक नियम पालना गर्नुपर्ने भएकाले दर्ता गर्न सकेको छैन्।

बार्सिलोनाले  गत साताको अन्त्यमा आफ्नो लिग ओपनरको अघिल्लो रात धेरै 'आर्थिक भण्डार' बाट रकम खाली गरेर अन्य चार नयाँ खेलाडीहरू दर्ता गरेको थियो।

'अहिले, हामीलाई केहि थाहा छैन। हामी स्ट्यान्डबाइमा छौं,' जाभीले भने।

आइतबार रियल सोसिडाडसँग सामना गर्नु अघि जाभीले थपे, 'हामी पर्खिरहेका छौं। कोन्डे एक उत्कृष्ट खेलाडी हुन्। आशा छ कि उनले छिट्टै क्षमता देखाउनेछन। यदि उनले खेल्न सक्छन भने भोलि नै ।'

 'उनले धेरै राम्रो प्रशिक्षण लिएका छन्। तर हामीले उनलाई दर्ता गर्न खेलाडीहरू बेच्न आवश्यक छ,' जाभीले थपे  ।

चेल्सीले स्ट्राइकर पियरे-एमरिक औबामेयाङमा रुचि राखेको छ। जबकि डच फरवार्ड मेम्फिस डेपे पनि स्पेनिस क्लबबाट बाहिरिने कुरा छ ।

'ट्रान्सफर विन्डो अगस्ट ३१ मा समाप्त हुन्छ र हामीलाई थाहा छैन के हुने हो,' जाभीले भने, 'औबा र मेम्फिस अझै यहाँ छन्, त्यसैले भोलि हामी उनीहरुलाई प्रयोग गर्नेछौं। तर प्राथमिकता कोन्डे दर्ता गर्नु हो।'

 नयाँ खेलाडी फ्रान्क केसी, एन्ड्रियास क्रिस्टेनसेन, रोबर्ट लेवान्डोस्की र राफिन्हा गत शनिबार रायो भालेकानोविरुद्द खेलिसकेका छन्।