जावलाखेल भर्सेस संकटा (लाईभ भिडियो)

काठमाडौं । सहिद स्मारक ए डिभिजन लिग अन्तर्गत अहिले जावलाखेल युथ क्लब र संकटा क्लबबीच प्रतिस्पर्धा सुरु भएको छ । ललितपुरको सातदोबाटोस्थित एन्फा कम्प्लेक्समा दुवै टोली उत्रिएका हुन् ।

लिग चरणको दोस्रो खेलमा उत्रदै गर्दा संकटा लगातार दोस्रो जित निकाल्ने दाउमा छ । जावलाखेल भने पहिलो जितको खोजिमा छ । दुवै टोलीमा उमेर समुहका खेलाडीको बाहुल्यता छ ।

पहिलो खेलमा संकटाले सरस्वती युथ क्लबलाई १–० ले हराएको थियो । जावलाखेल भने विभागीय टिम पुलिससंग १–० ले स्तब्ध बनेको थियो । एन्फा कम्प्लेक्समै हुने दोस्रो खेलमा फ्रेन्ड्स क्लबले विभागीय टिम एपीएफसंग प्रतिस्पर्धा गर्दैछ । खेल दिउँसो साढे २ बजे सुरु हुनेछ ।

काठमाडौंको हलचोक मैदान हुने तेस्रो खेलमा हिमालयन शेर्पा र सरस्वती युथ क्लबले प्रतिस्पर्धा गर्नेछन् ।