युनाईटेडका डिफेन्डर एलेक्स सेभियामा

काठमाडौं । स्पेनिस क्लब सेभियाले डिफेन्डर एलेक्स टेलसलाई अनुबन्ध गरेको छ ।

ला लिगा क्लबले म्यानचेस्टर युनाईटेडबाट ब्राजिलियन डिफेन्डर एलेक्सलाई अनुबन्ध गरेको हो ।

सेभियाले डिफेन्डर एलेक्सलाई एक सिजनका लागि लोनमा अनुबन्ध गरेको हो ।

एलेक्स २०२० मा पोर्टोबाट युनाईटेड आएका थिए ।

मुख्य प्रशिक्षक एरिक टेन हागको आगमनपछि युनाईटेडले डिफेन्डर मार्टिनेज र मालासियालाई अनुबन्ध गरिसकेको छ ।

जसको कारण एलेक्स लोनमा सेभिया आएका हुन् ।