नेपाल टी-ट्वान्टी लिगको टिम घोषणा भोलि

काठमाडौं । नेपाल क्रिकेट संघ (क्यान) ले भोलि सोमबार फ्रेन्चाइज क्रिकेट प्रतियोगिता नेपाल टी-ट्वान्टी लिगको टिम घोषणा गर्ने भएको छ ।

क्यानले सोल्टीमोडस्थित हायात प्यालेसमा सोमबार एक कार्यक्रमबीच नेपाल टी-ट्वान्टी लिग खेल्ने टोलीको घोषणा गरिने जनाएको छ ।

क्यानले आयोजना गर्न लागेको पहिलो संस्करणको प्रतियोगितामा ६ टोलीले प्रतिस्पर्धा गर्नेछन् ।

प्रतियोगितामा विराटनगर, जनकपुर, काठमाडौं, पोखरा, लुम्बिनी-भैरहवा र सुदूरपश्चिमको टोली रहने छन् ।  

प्रतियोगिता अगि असोज ८ देखि कात्तिक ५ गतेसम्म आयोजना हुनेछ ।

क्यानले आयोजना गर्न लागेको पहिलो फ्रेन्चाइज क्रिकेट प्रतियोगितालाई अन्तर्राष्ट्रिय क्रिकेट परिषद् (आईसीसी) ले मान्यता दिएको छ ।

यस्तै प्रतियोगितालाई नेपाली खेलकुदको सर्वोच्च निकाय राष्ट्रिय खेलकुद परिषद् (राखेप) ले यस अघि नै मान्यता दिईसकेको छ। 

क्यानले प्रतियोगिता आयोजना गर्न भारतीय कम्पनी सेभेन थ्री स्पोर्टससँग सम्झौता गरिसकेको छ ।