ओजिल इस्तानबुलमा अनुबन्धित

काठमाडौं । जर्मनीका पूर्व मिडफिल्डर मोसिट ओजिल टर्किस क्लब इस्तानबुल बासाकसेहिरमा अनुबन्धित भएका छन् ।

इस्तानबुलले सामाजिक संजालबाट ओजिललाई अनुबन्ध गरिएको जनाएको छ ।

ओजिलले बुधबार मात्र टर्किस क्लब फेनरबाचे छाडेका थिए ।

फेनरबाचेसँगको सम्झौता अन्त्य गर्दै ओजिल प्रतिद्वन्दी क्लब इस्तानबुलमा आबद्द भएका हुन् ।

सम्झौता दुई वर्ष बाँकी रहदै ओजिलले फेनरबाचे छाडेका हुन् ।

इंग्लिस क्लब आर्सनलका पूर्व मिडफिल्डर समेत रहेका ओजिलले फेनरबाचेका लागि कुल ३६ खेल खेलेका थिए ।

३३ वर्षीय ओजिलले गत सिजन फेनरबाचेका लागि २२ लिग खेल खेलेका थिए।

ओजिल सन् २०१३ मा रियल मड्रिडबाट आर्सनल आएका ओजिल टिममा नियमित पर्न छाडेपछि टर्की लागेका थिए ।

उनले आर्सनलबाट ३ एफए कप जितेका थिए ।

ओजिलले आर्सनलका लागि २ सय ५४ खेलमा ४४ गोल गरेका थिए ।