ओजिलले छाडे टर्किस क्लब

काठमाडौं । जर्मनीका पूर्व मिडफिल्डर मोसिट ओजिलले टर्किस क्लब फेनरबाचे छाडेका छन् ।

फेनरबाचे बुधबार मिडफिल्डर ओजिलले आपसी समझदारीमा क्लब छाडेको जनाएको छ ।

क्लबसँगको सम्झौता दुई वर्ष बाँकी रहदै ओजिलले टर्किस क्लबसँगको सम्झौता रद्द गरेका हुन् ।

इंग्लिस क्लब आर्सनलका पूर्व मिडफिल्डर समेत रहेका ओजिलले गत वर्ष फेनरबाचेसँग साढे तीन वर्षको सम्झौता गरेका थिए ।

३३ वर्षीय ओजिल अब अर्को टर्किस क्लब इस्तानबुल बासाकसेहिरमा अनुबन्धित हुने चर्चा रहेको छ ।

ओजिलले फेनरबाचेका लागि कुल ३६ खेल खेलेका थिए । गत सिजन उनले फेनरबाचेका लागि २२ लिग खेल खेलेका थिए।

ओजिल सन् २०१३ मा रियल मड्रिडबाट आर्सनल आएका ओजिल टिममा नियमित पर्न छाडेपछि टर्की लागेका थिए ।

उनले आर्सनलबाट ३ एफए कप जितेका थिए ।

ओजिलले आर्सनलका लागि २ सय ५४ खेलमा ४४ गोल गरेका थिए ।