युनाईटेड छाड्ने रोनाल्डोको योजना   

काठमाडौं । पोर्चुगिज फरवार्ड क्रिस्टियानो रोनाल्डोले म्यानचेस्टर युनाईटेड छाड्ने योजना बनाएका छन् ।

अन्य क्लबबाट उपयुक्त प्रस्ताव आएमा यसै समरमा रोनाल्डोले युनाईटेड छाड्ने योजना बनाएको बीबीसीले जनाएको छ।

रोनाल्डोले युनाईटेडसँग क्लब छाड्ने अनुमति दिन अनुरोध गरेको बताईएको छ ।

३७ वर्षीय फरवार्ड गत वर्ष युभेन्ट्सबाट युनाईटेड फर्किएका थिए ।

रोनाल्डो गत सिजन युनाईटेडको सर्वाधिक गोलकर्ता थिए । तर, युनाईटेड लिगको छैटौं स्थानमा रह्यो । जसको कारण युनाईटेडले च्याम्पियन्स लिगको छनोट खेल्ने अवसर गुमाएको थियो ।

पाँच पटकको बालेन डी'ओर विजेता रोनाल्डोको युनाईटेडसँगको सम्झौता अझै एक वर्ष बाँकी रहेको छ ।

तर, रोनाल्डोले सम्झौता नसकिदै क्लबबाट बाहिरिने योजना बनाएको हो ।