सलाह र माने प्लेयर अफ द इयर अवार्डको मनोनयनमा

काठमाडौं । इजिप्टका फरवार्ड मोहमद सलाह र सेनेगलका फरवार्ड साडियो अफ्रिकन प्लेयर अफ द इयर अवार्डको मनोनयनमा परेका छन् ।

कन्फेडेरेसन अफ अफ्रिकन फुटबल (काफ) सार्वजनिक गरेको मनोनयनको सूचीमा सलाह र माने अटाएका हुन् । अर्वाडका लागि सलाह र मानेसँगै ३० जना खेलाडी मनोनयनमा परेका छन् ।

सलाह इंग्लिस क्लब लिभरपुलबाट खेलिरहेका छन् । माने भने हालै लिभरपुलबाट  जर्मन क्लब बायर्न म्युनिखमा आबद्ध भएका छन् ।  

अफ्रीका कप नेसन्समा सलाह र मानेको टोलीले फाइनल खेलेका थिए ।  सेनेगलले फाइनलमा इजिप्टलाई हराएर उपाधि जितेको थियो ।