रिचार्लिसन अनुबन्धको नजिक टोटेनहम

काठमाडौं । प्रिमियर लिग क्लब टोटेनहमले ब्राजिलियन फरवार्ड रिचार्लिसनलाई अनुबन्ध गर्ने भएको छ ।

टोटेनहमले प्रिमियर लिग प्रतिद्वन्दी एभर्टनबाट रिचार्लिसनलाई अनुबन्ध गर्न लागेको हो ।

रिचार्लिसन अनुबन्धका लागि टोटेनहम र एभर्टनबीच सहमति भईसकेको बताईएको छ ।

टोटेनहममा बिहीबार उनको मेडिकल हुने बताईएको छ ।

२५ वर्षीय फरवार्ड २०१८ मा वाट्फोर्डबाट एभर्टन आएका थिए ।

एभर्टनका लागि उनले १ सय ५२ खेलमा ५३ गोल गरिसकेका छन् ।