भरत र नवयुग अमेरिका प्रस्थान

काठमाडौं । त्रिभुवन आर्मी क्लबका कप्तान भरत खवास र स्ट्राइकर नवयुग श्रेष्ठ अमेरिका प्रस्थान गरेका छन् ।

अमेरिकामा आयोजना हुने नेप्लिज अमेरिकन कन्भेन्सन फुटबल प्रतियोगिता खेल्न भरत र नवयुग अमेरिका प्रस्थान गरेका हुन् ।

भरत र नवयुगले आयोजक लस एन्जलस टोलीबाट खेल्ने छन् ।

युनाइटेड नेप्लिज एसोसिएसनले आयोजना गर्ने पाँचौं संस्करणको प्रतियोगिता जुलाईमा हुनेछ ।

भरत हाल राष्ट्रिय टोली बाहिर रहेका छन् । नवयुगले एएफसी एसियन कप छनोटमा नेपालको कप्तानी गरेका थिए ।