मलेसिया जाने एनआरटीको टोलीलाई बिदाइ

काठमाडौं । प्रि-सिजन टुरका लागि मलेसिया र थाइल्याण्ड जाने सहिद स्मारक 'ए' डिभिजन क्लब न्युरोड टिम (एनआरटी) को टोलीलाई बिदाइ गरिएको छ ।

एनआरटीले सोमबार मलेसिया र थाइल्याण्ड जाने ३० सदस्यीय टोलीलाई बिदाई गरेको हो । क्लबका अध्यक्ष सुन्दरनरसिंह जोशी, पूर्व अध्यक्ष नरेन्द्र श्रेष्ठ लगायत क्लबका पदाधिकारीले टोलीलाई बिदाइ गरे ।

एनआरटीको टोली आज राति ८ बजे मलेसिया प्रस्थान गर्ने छन् ।

एनआरटीले मलेसियाको पेनाङमा आयोजनामा हुने टुवान याङ टेरुतमा (टीवाईटी) कप फुटबल प्रतियोगिता खेल्नेछ ।

जसमा मलेसियाको सुपर लिग क्लब पेनाङ एफसी र इन्डोनेसियाको  लिग टु क्लब कारो एफसीसँग प्रतिस्पर्धा गर्नेछ ।

एनआरटीले ३० जुनमा कारो एफसी र २ जुलाईमा पेनाङ एफसीसँग प्रतिस्पर्धा गर्ने छ । लिगको अंकको आधारमा विजेता र उपविजेता टोलिको टुङ्गो लाग्ने छ।  ।

प्रतियोगिता पेनाङका शहर प्रमुख मिस्टर याङले पद बहाली ग्रहण गरेको पहिलो बार्षिकोत्सवको अवसरमा आयोजना हुन लागेको हो । प्रतियोगिता२८ जुनदेखी २ जुलाईसम्म हुनेछ  ।

२० हजार दर्शक क्षमता भएको पेनाङ सिटी रंगशालामा हुने प्रतियोगिताको विजेताले १० हजार मलेसियन रिङगेट पुरस्कार जित्नेछ । उपविजेता टोलीले ५ हजार मलेसियन रिङगेट पुरस्कार जित्नेछ ।

सहीद स्मारक ‘ए’ डिभिजन लिगको तयारी स्वरुप एनआरटीले ‘प्रि- सिजन’ खेलका लागि मलेसिया भ्रमण गर्न लागेको हो ।

यस्तै एनआरटीले थाईल्याण्डमा ३ मैत्रीपूर्ण खेल खेल्ने छ । जसमध्ये एक खेल थाई लिग वान क्लब छोनबुरी एफसीसँग खेल्ने छ।

एनआरटीको टोली मलेसियाबाटै थाइल्याण्ड जानेछन् ।

एनआरटीले प्रि-सिजन टुरका लागि मिडफिल्डर विशाल राई, डिफेन्डर रन्जित धिमाल, डिफेन्डर छिरिङ गुरुङ, मिडफिल्डर गौरव श्रेष्ठ र अट्याकीङ रुमेश बर्तौलालाई समेत अनुबन्ध गरेको छ ।

त्यस्तै एनआरटीले मिडफिल्डर सुवास गुरुङ, मिडफिल्डर निकालोस फर्नान्डेज, सन्जोक राई र  क्यामरुनका गोलकिपर टोलो ल्यान्ड्रीलाई समेत अनुबन्ध गरेको छ । 

एनआरटीको टोली -

टोलो ल्याण्ड्री, पुजन होना, आन्द्रे थिएरी,सरोज तामाङ,गौरव श्रेष्ठ,रन्जित धिमाल, छिरिङ गुरुङ, सनम लिम्बु, विशाल राई,सुवास गुरुङ, विशाल तामाङ, अशोक थापा, मेसुके ओलोमोउ, निकोलस फर्नान्डेस, दिपेश घले, कृतिस रत्न छुन्जु, सन्जिब विष्ट, स्टेफेन समिर, सन्जोग राई, रुमेश बर्तौला,बिक्रम धिमाल