माने बायर्नमा अनुबन्धित

काठमाडौं । सेनेगलका फरवार्ड साडियो माने जर्मन क्लब बायर्न म्युनिखमा अनुबन्धित भएका छन् ।

बायर्नले बुधबार मानेलाई लिभरपुलबाट अनुबन्ध गरिएको जनाएको छ ।

मानेले जर्मन च्याम्पियन बायर्नसँग तीन वर्षको सम्झौता गरेका छन् ।

बायर्नले फरवार्ड मानेलाई लिभरपुलबाट ३५ मिलियन पाउण्डमा अनुबन्ध गरेको हो ।

३० वर्षीय फरवार्ड २०१६ मा साउथह्याम्पटनबाट लिभरपुल आएका थिए ।

उनले लिभरपुलका लागि प्रिमियर लिग, एफए कप लगायत ६ उपाधि जितेका थिए ।

मानेले लिभरपुलका लागि २ सय ६९ खेलमा १ सय २० गोल गरेका छन्  । यस्तै ४८ असिस्ट रहेको छ ।