टेभेज रोसारियोको मुख्य प्रशिक्षक नियुक्त

काठमाडौं । अर्जेन्टिनाका पूर्व स्ट्राइकर कार्लोस टेभेज रोसारियो सेन्ट्रलको मुख्य प्रशिक्षक नियुक्त भएका छन् ।

अर्जेन्टिनाका शीर्ष डिभिजन क्लब रोसारियोले टेभेजलाई मुख्य प्रशिक्षक नियुक्त गरिएको जनाएको छ ।

३८ वर्षीय टेभेजले रोसारियोसँग एक वर्षको सम्झौता गरेका छन् ।

टेभेजले गत महिना खेल जीवनबाट सन्यास घोषणा गरेका थिए।

पछिल्लो सिजन टेभेजले अर्जेन्टिनाको बोका जुनियर्सबाट खेलेका थिए ।

टेभेजले फुटबल खेल जीवनमा ७ सय ४६ खेल खेल्दै ३ सय ८ गोल गरेका थिए ।

अर्जेन्टिनाका लागि टेभेजले ७६ खेलमा १३ गोल गरे ।

टेभेजले इंग्लिस क्लब म्यान्चेस्टर युनाईटेड, म्यानचेस्टर सिटी, वेस्ट ह्यामबाट खेलेका थिए ।

यस्तै उनले युभेन्ट्स लगायत चिनियाँ क्लबबाट समेत खेलेका थिए ।