डिफेन्डर आर्मेल साउथह्याम्पटनमा

काठमाडौं । प्रिमियर लिग क्लब साउथह्याम्पटनले डिफेन्डर आर्मेल बेल्ला कोचपलाई अनुबन्ध गरेको छ ।

साउथह्याम्पटनले जर्मन क्लब बोचुमबाट डिफेन्डर आर्मेललाई १० मिलियन युरोमा अनुबन्ध गरेको हो ।

२० वर्षीय डिफेन्डर साउथह्याम्पटनसँग ४ वर्षको सम्झौता गरेका छन् ।

जर्मनीका युवा डिफेन्डरले बोचुमका लागि शीर्ष लिगमा २६ खेल खेलेका छन् ।

त्यसअघि उनले बोचुमबाट बुन्डेसलिगा-२ का खेलहरु खेलेका थिए ।

उनी जर्मनीको यू-२० टोलीको सदस्य हुन् ।