एन्फा निर्वाचन : अध्यक्षमा जसले एक मत पनि पाएनन्

काठमाडौं । अखिल नेपाल फुटबल संघको निर्वाचनबाट अध्यक्षमा पंकज विक्रम नेम्बाङ विजयी भए ।

निकटतम प्रतिद्धन्द्धी कर्माछिरिङ शेर्पालाई ६ मतले हराउँदै नेम्बाङ अध्यक्षमा विजयी भए । तर, एन्फा अध्यक्षकै उम्मेदवाररहेका राजिव पौड्यालले मत पाउन सकेनन् ।

८४ मतदाता रहेको एन्फा निर्वाचनमा नेम्बाङले ४५ मत पाउँदा उनका निकटतम प्रतिद्धन्द्धी शेपाले ३९ मत पाए । फ्रेन्डस क्लबका पूर्व अध्यक्ष पौड्याललाई कोहि पनि मतदाताले पत्याएनन् ।

फ्रेन्डसका पूर्व अध्यक्ष एन्फा चुनाव प्रभावित पार्न उठाइएको उम्मेदवारको रुपमा चर्चामा रहेका थिए ।

पौड्यालले शेर्पाको मत काट्ने उम्मेदवारको रुपमा लिइएको थियो । उनको क्लब फ्रेन्डससंग मताधिकार थिएन् ।