एन्फा उपाध्यक्षमा लामा, खतिवडा, शाही र केसी निर्वाचित

काठमाडौं ।  अखिल नेपाल फुटबल संघ (एन्फा) को उपाध्यक्षमा दावा लामा, दिपक खतिवडा, बिराट जंग शाही र दुर्गा बहादुर केसी निर्वाचित भएका छन् । 

काठमाडौंको बुढानिलकण्ठस्थित पार्क भिलेज रिसोर्टमा सोमबार भएको निर्वाचनबाट लामा, खतिवडा, शाही र केसी उपाध्यक्षमा निर्वाचित भएका हुन् ।

लामाले ४८ खतिवडाले ४७, शाहीले ४७ र केसीले ४३ मत पाए ।

केसी भने अध्यक्षमा पराजित कर्मा छिरिङ शेर्पाको प्यानलबाट निर्वाचित भएका हुन् ।  अन्य उपाध्यक्ष पंकज बिक्रम नेम्बाङबाट निर्वाचित भएका हुन्  ।

 सुन्दर नरसिंह जोशी, उपेन्द्र मान सिंह, विज्ञानराज शर्मा र रत्न कुमार श्रेष्ठ पराजित भए ।

 निर्वाचनबाट एन्फा अध्यक्षमा पंकज बिक्रम नेम्बाङ निर्वाचित भईसकेका छन् ।

यस्तै वरिष्ठ उपाध्यक्षमा पंकजकै प्यानलबाट बीरबहादुर खड्का निर्वाचित भएका छन् ।