एन्फाको वरिष्ठ उपाध्यक्षमा खड्का निर्वाचित

काठमाडौं ।  अखिल नेपाल फुटबल संघ (एन्फा) को वरिष्ठ उपाध्यक्षमा बीरबहादुर खड्का निर्वाचित भएका छन् ।

काठमाडौंको बुढानिलकण्ठस्थित पार्क भिलेज रिसोर्टमा सोमबार भएको निर्वाचनबाट खड्का वरिष्ठ उपाध्यक्षमा निर्वाचित भएका हुन् ।

अध्यक्ष निर्वाचित पंकज बिक्रम नेम्बाङको प्यानलमा रहेका खड्काले कर्माछिरिङ शेर्पा प्यानलका शिक्षित पराजुलीलाई हराए ।

खड्काले ४४ मत प्राप्त गर्दा पराजुलीले ४० मत प्राप्त गरे ।

एन्फा अध्यक्षमा पंकज बिक्रम नेम्बाङ निर्वाचित भईसकेका छन् ।

निर्वाचनमा शतप्रतिशत ८४ मत खसेको छ । ८४ भोटरले एन्फा निर्वाचनमा मताधिकार पाएका थिए ।