नेदरल्यान्ड्सको लगातार दोस्रो जित

काठमाडौं । यूईएफए नेसन्स लिग फुटबलमा नेदरल्यान्ड्सले जित निकालेको छ ।

समूह चरण अन्तर्गत बुधबार राति नेदरल्यान्ड्सले वेल्सलाई २-१ गोल अन्तरले हराएको हो ।

ट्युन कोपमेनर्सले ५० औं मिनेटमा गोल गर्दै नेदरल्यान्ड्सलाई सुरुआती अग्रता दिलाएका थिए।

डाभिसले खेलको इन्जुरी समयको दोस्रो मिनेटमा गोल गर्दै वेल्सलाई १-१ गोलको बराबरीमा ल्याए ।

तर, इन्जुरी समयको चौंथो मिनेटमा वोउट वेइघोर्स्टले गोल गर्दै नेदरल्यान्ड्सलाई २-१ को जित दिलाए ।

यस जितसँगै लिग ए ग्रुप ४ को नेदरल्यान्ड्सले २ खेलमा ६ अंक जोडेको छ । नेदरल्यान्ड्स शीर्ष स्थानमा रहेको छ ।

लगातार दुई हार व्यहोरेको वेल्स पुछारमा रहेको छ ।