पोल्याण्डविरुद्ध बेल्जियमको आधा दर्जन गोल

काठमाडौं । यूईएफए नेसन्स लिग फुटबलमा बेल्जियमले फराकिलो जित निकालेको छ । 

समूह चरण अन्तर्गत बुधबार राति बेल्जियमले पोल्याण्डलाई ६-१ गोल अन्तरले हराएको हो ।

पोल्याण्डविरुद्ध बेल्जियमले सुरुआती अग्रता उल्टाएर फराकिलो जित निकालेको हो ।

खेलको २८ औं मिनेटमा रोबर्ट लेवान्डोस्कीले गोल गर्दै पोल्याण्डलाई सुरुआती अग्रता दिलाएका थिए ।

तर, ४२ औं मिनेटमा एलेक्स विसलले गोल गर्दै बेल्जियमलाई १-१ गोलको बराबरीमा ल्याए ।

५९ औं मिनेटमा केभिन डे ब्रुएनाले गोल गर्दै बेल्जियमलाई २-१ को अग्रता दिलाए ।

खेलको ७३ औं मिनेटमा लिन्द्रो ट्रोसार्डले गोल गर्दै बेल्जियमलाई ३-१ को अग्रता दिलाए ।

८० औं मिनेटमा ट्रोसार्डले व्यक्तिगत दोस्रो गोल गर्दै टिमको अग्रता ४-१ को बनाए ।

खेलको ८३ औं मिनेटमा लिन्डर डेनडोनकरले गोल गरेपछि बेल्जियम ५-१ ले अघि रह्यो ।

त्यसपछि खेलको इन्जुरी समयमा लोइस ओपेन्ड़ाले गोल गर्दै बेल्जियमलाई ६-१ को जित दिलाए ।

यस जितसँगै लिग ए ग्रुप ४ को बेल्जियमले २ खेलमा ३ अंक जोडेको छ । बेल्जियम दोस्रो स्थानमा रहेको छ ।

पोल्याण्ड २ खेलमा ३ अंक जोडेर तेस्रो स्थानमा रहेको छ ।