सन्दीप र कुशलको वरीयता खस्कियो

काठमाडौं । नेपाली राष्ट्रिय क्रिकेट टिमका कप्तान सन्दीप लामिछानेको टी-ट्वान्टी वरीयता खस्किएको छ ।

अन्तर्राष्ट्रिय क्रिकेट परिषद (आईसीसी) ले सार्वजनिक गरेको नयाँ वरीयता अनुसार सन्दीपको बलिङ वरीयता खस्किएको हो ।

बलिङ वरीयतामा सन्दीप एक स्थान तल झर्दै ३९ औं स्थानमा रहेका छन् ।

बलिङतर्फ नेपालका अविनास बोहरा ८९ औं स्थानमा रहेका छन् ।

ब्याटिङतर्फ नेपालका कुशल भुर्तेल र दिपेन्द्र सिंह ऐरीको वरीयता खस्किएको छ ।

कुशल ३८ औं स्थानमा झरेका छन् । यस्तै दिपेन्द्र ४० औं स्थानमा झरेका छन् ।

ब्याटिङतर्फ नेपालका आसिफ शेख ९९ औं स्थानमा छन् ।

अलराउण्डरतर्फ दिपेन्द्रको वरीयता यथावत रहेको छ ।

दिपेन्द्र १० औं स्थानमा छन् ।