यू-१९ विश्वकप छनोट : नेपाल र थाईल्याण्ड भिड्दै

काठमाडौं । आईसीसी यू-१९ महिला टी-ट्वान्टी विश्वकप एसिया छनोट अन्तर्गत नेपालले आज मंगलबार थाइल्याण्डसँग प्रतिस्पर्धा गर्दैछ ।

मलेसियाको युकेएम ओभलमा नेपालले चौंथो खेलमा बलियो थाइल्याण्डको सामना गर्न लागेको हो । नेपाल र थाइल्याण्डबीचको खेल बिहान ११ बजे सुरु हुनेछ ।

नेपाल आज तेस्रो जित निकाल्ने योजनामा रहेको छ । अघिल्लो तीन खेलमा नेपालले दुई जित र एक हार व्यहोरेको छ।

नेपालले पहिलो खेलमा कतारलाई ७९ रनले हराएको थियो।

तर, दोस्रो खेलमा ८ रनमा अलआउट भएको नेपाल युएईसँग १० पराजित भएको छ ।

तेस्रो खेलमा नेपालले भुटानलाई ४ विकेटले हराएको थियो ।

नेपाल ३  खेलमा ४ अंक जोडेर तेस्रो स्थानमा रहेको छ ।

थाइल्याण्ड लगातार चौंथो जित निकाल्ने योजनामा रहेको छ ।

थाइल्याण्डले अघिल्ला तीन खेलमा लगातार जित निकालेको छ ।

थाइल्याण्ड ६ अंक जोडेर दोस्रो स्थानमा रहेको छ ।

छनोटमा नेपालसहित, आयोजक मलेसिया, युएई, थाइल्याण्ड, भुटान र कतार रहेका छन् । शीर्ष टोलीले दक्षिण अफ्रीकाको टिकट काट्ने छन् ।

नेपालले अन्तिम खेलमा बिहीबार मलेसियाविरुद्ध खेल्नेछ ।