एन्फा चुनाव : सी र बी डिभिजनको निर्वाचन आज

काठमाडौं । अखिल नेपाल फुटबल संघ (एन्फा)को आसन्न निर्वाचनका लागि सी र बी डिभिजन क्लबको मताधिकारका लागि आज (बिहीबार) लाग्दैछ ।

निर्वाचन तालिका अनुसार आसन्न निर्वाचनका लागि सी र बी डिभिजन क्लबको मताधिकारको टुङ्गो बिहीबार लाग्न लागेको हो ।

सी र बी डिभिजनमा समान १४ क्लब छन् । सीबाट ९ र बीबाट ११ क्लबले एन्फाको आसन्न निर्वाचनमा प्रतिनिधि छनोट गर्नेछन् ।

नयाँ नेतृत्वका आकांक्षी देखिएका वर्तमान अध्यक्ष कर्माछिरिङ शेर्पा र वरिष्ठ उपाध्यक्ष पंकजबिक्रम नेम्वाङ्गको समूह प्यानल सहित निर्वाचनको तयारीमा छ ।

बिहीबार हुने निर्वाचनका लागि शेर्पा समूहका प्रतिनिधि बुढानिलकण्ठमा गोप्य बैठक बसेका थिए । नेम्वाङ समुहका प्रतिनिधि बुधबार राति नगरकोट पुगेका थिए । दुवै समूहका प्रतिनिधि मतदानका लागि एन्फा मुख्यालय आउन लागेका छन् ।

सी डिभिजनका क्लबमा नेम्वाङ समूह बलियो देखिएको छ भने बी डिभिजनमा शेर्पा समूह बलियो छ । सी डिभिजन क्लबमा नेम्वाङ्गको प्रभुत्व भंग गर्ने प्रयासमा शेर्पा समुह छ ।

सी डिभिजनका लागि बिहान ११ बजे समय तोकिएको छ । बी डिभिजन क्लबको निर्वाचनको समय मध्यान्न १२ बजे रहेको छ ।

एन्फाको आसन्न निर्वाचन असार ६ गते हुदैछ । बी र सी डिभिजनबाट छनोट हुने मतदाताले आसन्न निर्वाचनको लडाँई थप पेचिलो बनाउने अपेक्षा गरिएको छ ।

बी डिभिजनका क्लब

चर्च ब्वाईज युनाईटेड

रानीपोखरी कर्नर टिम आरसीटी

खुमलटार युथ क्लब

सरस्वती युथ क्लब

बाँसबारी क्लब

विरगञ्ज युनाईटेड

श्रीकुमारी क्लब

श्री भगवती क्लब

नयाँवस्ती युथ क्लब