सातौं राष्ट्रिय इक्वेस्ट्रियन प्रतियोगिता शुक्रबार

काठमाडौं । सातौं राष्ट्रिय इक्वेस्ट्रियन प्रतियोगिता शुक्रबार आयोजना हुने भएको छ ।

नेपाल इक्वेस्ट्रिय (घोडचढी) संघले सोमबार पत्रकार सम्मेलनको आयोजना गर्दै प्रतियोगिता चैत २५ गते शुक्रबार आयोजना हुने जनाएको छ ।

टुँडिखेलमा आयोजना हुने ​प्रतियोगितामा हर्स शो जम्प, हर्स हाई जम्प, ड्रेएज कम्पिटिसन, हर्स टेन्ट पेगीङ व्यक्तिगत र टिममा प्रतिस्पर्धा हुनेछ ।  

सबै विधाका विजेताले २० हजार, उपविजेताले १५ हजार र तेस्रोले १० हजार पाउनेछन् ।